Ўш шаҳридаги автобуслар таъмирга муҳтож. Бу ҳақда кеча шаҳар мэри Таалайбек Сарибашов шаҳар кенгашининг навбатдаги сессиясида депутатларнинг саволларига жавобан айтди.
Унга кўра, автобуслар таъмирга муҳтож бўлиб, қўшимча пул керак.
“Ушбу автобуслар режасиз олиниб келинган. Улардан бири бурилишдан бурилганда тирбандлик бўлишига олиб келмоқда. Мана автомобиль заводи иш бошлаган. Биринчи автобус чиқарилса, биз уни мэрияга берамиз дейишмоқда. Кейин ўшанда ҳам «Лиаз» компанияси билан гаплашиб, яна 10-15 та автобус олиб келишимиз керак. Акс ҳолда, компания ўзини ўзи оқламай қолди », – деди Сарибашов.
